Қазақ журналистикасы мен әдебиетінде өзіндік өрнегі бар қаламгерлердің бірі – Сәдібек Нәби. Биыл қазақтың көрнекті журналисі, публицист, қоғам қайраткері Сәдібек Нәбидің 95 жылдық мерейтойы кеңінен аталып өтуде. Бұл – тек бір адамның ғана емес, тұтас бір дәуірдің шежіресін қағаз бетіне түсірген ұлт қаламгерінің тойы.
Сәдібек Нәби – өз дәуірінің тынысын дөп басып, қоғамның өзекті мәселелерін шынайы әрі шебер жеткізе білген қарымды журналист. Ол жазған әрбір мақаладан, очерк пен сұхбаттан елге деген жанашырлық пен азаматтық ұстаным анық сезіледі. Журналистикадағы қызметін ол адалдық пен шындықтың жолына арнап, оқырманға ұтымды ой, үлгілі өнеге қалдыруды мұрат тұтты.
Сәдібек Нәби өзінің еңбек жолын ауылдық газеттен бастап, республикамыздың беделді басылымдарында қызмет атқарды. Әсіресе әлеуметтік мәселелер, ауыл өмірі, ұлттық тәрбие мен руханият жөніндегі өткір де өзекті мақалалары арқылы кеңінен танылды. Оның қаламынан туған дүниелер ел ішіндегі түйткілді мәселелерді билік пен халықтың назарын аудартып, талай оң өзгеріске жол ашты.
Ол – қазақ журналистикасының дамуына серпін берген тұлғалардың бірі. Қай жанрда қалам тартса да, шынайылық пен өмірлік тереңдікке ден қойған қаламгердің мақалалары бүгінде дерек көзі, тәрбиелік мәні бар құнды дүниелер ретінде бағаланады. Сәдібек Нәби шәкірт тәрбиелеу ісіне де зор еңбек сіңіріп, бірнеше буын жас журналистердің жолын ашты.
95 жасқа келген Сәдібек Нәби – ұлт руханиятының көзі тірі шежіресі. Оның шығармашылық мұрасы – елге адал қызмет етудің, журналистік жауапкершіліктің және қаламгерлік парасаттың үлгісі. Қарымды журналист, қайраткер тұлға ретінде Сәдібек Нәбидің есімі әрдайым құрметпен аталады.
Түркістан облыстық Фараб әмбебап ғылыми кітапханасының кітапханашысы Балнұр ПЕРНЕХАН