Нысанбек Төреқұл — қазақ әдебиеті мен руханиятына елеулі үлес қосқан қаламгер, әдебиет зерттеушісі, жамбылтанушы. Ол өзінің саналы ғұмырын қазақтың көркем әдебиетін, халық ауыз әдебиеті мен ақындық өнердің асыл мұрасын жинауға, зерттеуге және кейінгі ұрпаққа жеткізуге арнады.
Жазушының шығармашылық жолы ел тарихымен, қазақ әдебиетінің көрнекті өкілдерінің өмірі мен шығармашылығын зерттеумен тығыз байланысты болды. Нысанбек Төреқұл Жамбыл Жабаев бастаған халық ақындарының шығармашылық мұрасын зерделеп, олардың әдебиеттегі орнын айқындауға ерекше еңбек сіңірді. Ол халық арасынан сақталған тарихи әңгімелерді, шешендік сөздерді, қанатты тіркестер мен ел аузындағы құнды деректерді жинақтап, ғылыми айналымға енгізуге атсалысты.
Қаламгердің еңбектерінде қазақтың дәстүрлі сөз өнері, билер мен шешендердің тағылымды мұрасы, халықтың тарихи жады кеңінен көрініс табады. Оның «Қазақтың қанатты сөздері», «Билер сөзі – ақылдың көзі», «Даланың дара ділмарлары», «Жүз жасаған бәйтерек», «От кешу», «Қырық хикая» секілді еңбектері ұлттық әдебиет пен мәдениет қазынасын насихаттауға бағытталды.
Нысанбек Төреқұлдың қаламгерлік және зерттеушілік еңбегі — қазақ сөз өнерінің өткені мен бүгінін сабақтастыратын құнды мұра. Оның шығармалары жас ұрпақты ел тарихын, ұлттық әдебиетті, ата-баба аманатын қадірлеуге үндейді.
Нысанбек Төреқұлдың шығармашылық мұрасы — қазақ руханиятының қазынасын толықтырған тағылымды еңбек, кейінгі ұрпаққа қалдырған рухани аманат.
Түркістан облыстық «Фараб»
әмбебап ғылыми кітапханасының
оқырмандарға қызмет көрсету
бөлімінің сектор меңгерушісі
ШОЛПАН Мусабекова